Обструкциялық синдромды (ысқырықпен қатар жүретін қиын тыныс алуды) емдеу кезінде жылдам әсер ететін бронхо-дилататорлар (аэрозоль түріндегі дәрілер): сальбутамол, асталин, венталин және т.б. қолданылады. 5 жасқа дейінгі балаларға олар арнайы қондырманың көмегімен енгізіледі. Бірақ егер арнайы құралдарды дәріханадан сатып алу мүмкіндігі болмаса, шашыратқышты үй жағдайында да дайындауға болады. Бейнематериалды көру.

Ол үшін: көлемі 1 литр пластик шөлмекті алыңыз. Көлемі 250 миллилитрден кем болмайтындай етіп, оның түпкі жағын кесіп алыңыз. Шөлмекті жуып, сүртіңіз, ал өткір жиектерін жабысқақ пластырьмен өңдеңіз.

Сізге баланың қолдары мен басын ұстау үшін тағы бір адамның көмегі қажет болады. Жасалған шашыратқышты баланың бетіне жақындатыңыз. Аэрозольді дәрі баллоншасын сілкіп, шөлмектің мойнына тақап, үш рет себу қажет (баллон тетігін түбіне дейін басу маңызды). Шөлмектің мойнын бірден алақаныңызбен жабыңыз. Екінші жағын баланың бетіне тақап ұстаңыз. 40 секундтың ішінде осы қалыпты сақтаңыз. Бұл өте маңызды! Бұл кезде бала дәрімен тыныс алады.

20 минуттан кейін екінші циклды өткізу қажет. Тағы 20 минуттан кейін –үшіншісін. Үш циклдан кейін 4 сағаттық үзіліс болуы тиіс – бұл кезде аэрозольдік дәріні қолдануға болмайды. Емшараны сол күні тағы бір рет кешкісін өз бетінше қайталауға болады. Емшараларды әрі қарай қайталау қажеттілігін дәрігер белгілейді.