Аспаздар, темір ұсталары, шаштараздар, маникюр мамандары, ағаш ұсталары. Алматының № 15 мектеп-интернатының тәрбиеленушілері таяу арада осындай қажетті мамандықтарды меңгере алады. Мекемеде темір шеберханасы, шаштараз бөлмесі және әлеуметтік-бағдарлану бөлмесі ашылды. Жобаның жалпы құны – 3 953 932 теңге. Балалар осы күні бас аспаз және кәсіби стилист ұйымдастырған шеберлік кластарына қатысты.

Ақыл-ойы кем балаларға арналған № 6 арнайы мектеп-интернатының тәрбиеленушілері де өз ісінің кәсіби маманы бола алады. Олардың мекемесінде қыш шеберханасы ашылды. Шеберхана ашылмас бұрын ұстаз Мария Михайловна Санкт-Петербург қаласына біліктілігін  арттыру курсына барып келді. Енді балалар тұрмысқа қажетті үй заттарын, кәдесыйлар мен әшекейлерді қуана дайындайды. Болашақта олар өз ісін ашуы да мүмкін. Жобаның құны 2 685 916 теңгені құрады.

Сонымен қатар, алтыншы интернатта гүл өсіру бөлмесі ашылды. Тиісті мүкәммал мен қолайлы жағдайдың арқасында балалардың өзін-өзін көрсетуге және шығармашылықты дамытуға барлық жағдай жасалған. Бөлмені безендіруге 941 691 теңге жұмсалды.

Барлық жобалардың демеушісі «Шеврон» компаниясы болды. Ал қажетті жабдықты сатып алумен «АЯЛА» қоры айналысты.

 Барлық фотосүреттерді жүктеп